ಬ.ಕನ್ಯಾಡಿ : ಪ್ರತೀ ದಿನದಂತೆ ಮುಂಜಾನೆ ಎದ್ದು ಹಟ್ಟಿ ಸೊಪ್ಪಿಗೆ ಹೋಗುತ್ತಿದ್ದ ಬರಾಯ ಕನ್ಯಾಡಿಯ ಯುವತಿಯೊಬ್ಬರು ಮನೆಯ ಹತ್ತಿರದ ಕಾಡಿನಲ್ಲಿ ಬೆಳಿಗ್ಗೆ ೭ ಗಂಟೆಗೆ ಹುಲಿಯ ಘರ್ಜನೆಯನ್ನು ಕೇಳಿ ಓಡಿ ಬಂದು ಅಪಾಯಕ್ಕೊಳಗಾದ ಘಟನೆ ದಿ.೧-೦೩-೨೦೧೨ ರಂದು ಗುರುವಾರ ಬೆಳಿಗ್ಗೆ ನಡೆದಿದೆ. ಘಟನೆಯಲ್ಲಿ ೬ ಜನರು ಪಾಲ್ಗೊಂಡಿದ್ದು ಇದರಲ್ಲಿ ಇಬ್ಬರು ಸಣ್ಣ ಮಕ್ಕಳು ಸೇರಿದ್ದರು. ಆದರೆ ಇವರೆಲ್ಲರೂ ಅಪಾಯದಿಂದ ಪಾರಾಗಿದ್ದು. ಮಹಿಳೆ ಪುಷ್ಪರವರು ಹೆದರಿ ಓಡಿ ಬಂದಿದ್ದು ತಲೆಗೆ ತೀರಾ ಗಾಯವಾಗಿ ಇಂದು ಬೆಳಿಗ್ಗೆ ಆಸ್ಪತ್ರೆಗೆ ಸೇರಿ ಚಿಕಿತ್ಸೆ ಪಡೆದುಕೊಂಡರು. ಘಟನೆಯ ಹಿನ್ನಲೆ : ಸು. ಮೂರು ನಾಲ್ಕು ತಿಂಗಳುಗಳಿಂದೀಚೆಗೆ ಈ ಗ್ರಾಮದ ಮೂರು ಕಡೆಗಳಲ್ಲಿ ಹುಲಿಯ ಕಾಟ ಹೆಚ್ಚಾಗಿದೆ. ಮೂರೂ ಗುಡ್ಡದಲ್ಲಿ ಮೂರು ಹುಲಿಗಳು ವಾಸವಾಗಿ ಮೂರೂ ಕಡೆಯಲ್ಲೂ ಏಕಕಾಲದಲ್ಲಿ ಕೂಗುವ ಶಬ್ದಗಳು ಕೇಳಿಬರುತ್ತಿದ್ದು. ಊರಿನ ಜನರು ಮನೆಯೆಂಬ ಜೈಲಿನಲ್ಲಿ ಸೇರಬೇಕಾಗಿದೆ.ಮಕ್ಕಳೆಂತು ಮನೆಯಿಂದ ಶಾಲೆಗೆ ಹೊರಡುವುದೇ ಕನಸಿನ ಮಾತಾಗಿದೆ. ಈ ಊರಿನಲ್ಲಿ ಕಳೆದ ಮೂರು ನಾಲ್ಕು ತಿಂಗಳುಗಳಿಂದ ೩ ನಾಯಿಗಳು ಹುಲಿಯ ಪಾಲಾಗಿದ್ದರೆ ೩ ನಾಯಿಗಳು ಹುಲಿಯ ಬಾಯಿಯಿಂದ ತಪ್ಪಿಸಿಕೊಂಡು ತನ್ನ ಸಾಹಸ ಮೆರೆದ್ದಿದ್ದಾವೆ. ಊರಿನವರ ಅಭಿಪ್ರಾಯ : ಬರಾಯಕನ್ಯಾಡಿ ಗ್ರಾಮದ ಕನ್ಯಾಡಿ(ಕಜೆ ಕನ್ಯಾಡಿ) ವಲಯದಲ್ಲಿ ಕಂಡು ಬರುವ ಪಿಲಿಚಾಮುಂಡಿ ದೈವದ ಹುಲಿಯೊಂದು ಈ ನಾಡಿನಲ್ಲಿ ವಾಸವಾಗಿರುತ್ತಿತ್ತು. ಅದು ದೈವದ ಭಂಡಾರ ಹೋಗುವ ಸಮಯದಲ್ಲಿ ಎಲ್ಲರ ಹಿಂದೆ ನಡೆದು ಬರುತ್ತಿತ್ತು, ಅದನ್ನು ನಾವು ನೋಡಿರುವುದಾಗಿ ಕೆಲವು ಹಿರಿಯರು ಅಭಿಪ್ರಾಯಪಡುತ್ತಾರೆ. ಅಲ್ಲದೇ ಇದೇ ತಿಂಗಳ ೨೦ರಂದು ಇಲ್ಲಿನ ದೈವದ ನೇಮ ನಡೆಯಲಿದ್ದು. ಈ ಸಂದರ್ಭದಲ್ಲಿ ಹುಲಿಯ ಕಾಟ ಪ್ರತೀವರ್ಷ ಸಾಮಾನ್ಯವಾಗಿರುತ್ತದೆ,ಆದರೆ ಈ ವರ್ಷ ಮಾತ್ರ ಸ್ವಲ್ಪ ಜಾಸ್ತಿಯಾಗಿದೆ. ಎಂದು ಇನ್ನುಕೆಲವರು ಅಭಿಪ್ರಾಯ ಪಡುತ್ತಾರೆ. ಒಟ್ಟಾಗಿ ಈ ಎಲ್ಲಾ ಹುಲಿಗಳು ಸಂಜೆ ೬ ಗಂಟೆಯಿಂದ ಬೆಳಿಗ್ಗೆ ಸುಮಾರು ೮ ಗಂಟೆಯವರೆಗೆ ಜೋರಾಗಿ ಕಿರುಚುತ್ತಿದ್ದು ಊರಿನ ಜನರೂ ಮಕ್ಕಳೂ ರಾತ್ರಿಯಿಡೀ ನಿದ್ರೆಯಿಲ್ಲದೆ ತೀರಾ ಕಂಗಲಾಗಿದ್ದಾರೆ. ವರದಿ-ಪ್ರವೀಣ್ ಚಂದ್ರ ಬರಾಯಕನ್ಯಾಡಿ